我段「kiss me kiss me」短片，雖然喺youtube搵唔倒，但係大家只要上「維基百科」，除咗搵倒葉老闆，仲有一頁係關於我──勁到「啤～～」一聲嘅海盜啤！
最衰電腦人忙住去秘撈，如果大家識電腦嘅話，唔該幫我執一執！
先將兩首主題曲嘅歌詞，同埋我個blog放上去，如果可以加一兩張圖片或者靚相，咁就最好不過啦！甚至加多d以前嘅舊料，當係同我做番一個記錄！
另外，唔該順手幫我解一解畫：
「此條目主題未突顯其知名度或顯著性
有編輯者認為本條目的主題並未符合知名度方針，或下列之一的標準：傳記、虛構事物、發明研究、網站。
若您熟悉本條目之主題，請擴充這則條目，引用可靠的資料來源，幫助其他讀者了解條目主題的知名度。若本條目的知名度無法證實，可能依據刪除守則被提請刪除。（參見：Wikipedia:知名度）
若於2008年8月12日（本模板放置30天）後仍未改善，可提報檢討，以取得共識決定是否保留。」
我個個字都識，但係拍埋一齊就R晒頭，大家唔該幫幫手！
（電腦人：等我得閒嗰陣，一於幫你整個"海盜百科"！）
（沉悶人：你得閒先算啦！～～）
